ماضی کی پریشانیاں اور مستقبل کے حال سے لاعلمی سے انسان کی زندگی منفی اثرات کا شکار ہو جاتی ہے۔
انسان اس ماضی اور مستقبل کے گورکھ دھندے کو قسمت کا لکھا سمجھ لیتا ہے۔

بے شک ہمارے لئے اللہ تعالی نے سب کچھ طے کیا ہے ، اور ہمارے لئے ایک راہ متعین کی ہے۔
کیا اس رحیم و کریم کی رحمت سے یہ بعید ہے ،کہ جو کچھ اس نے انسان کیلئے متعین کیا ہے ،وہ اس کے فائدے کیلئے نہیں؟
اللہ نے انسان کی قسمت میں جو کچھ لکھا ہے ، اس کے حصول کیلئے محنت کو وسیلہ بنایا ہے۔

قسمت کے اس مثبت نظریے کے ہماری زندگی پر بہت ہی منفی اثرات مرتب ہو رہے ہیں۔
اس کے منفی اثرات کیا یہ نہیں ہیں ،
کہ ہم قسمت کے لکھے گورکھ دھندے میں الجھ کر ماضی اور مستقبل کی پریشانیوں میں الجھ کر ہم پست حوصلہ اور ہڈ حرام ہو جاتے ہیں؟

قسمت کا خالق تو کہتا ہے۔
لیس الانسان الا ماسعی(سورہ النجم آیت 39)
(انسان کیلئے کچھ نہیں سوائے اس کے جس کی اس نے کوشش کی)
ہماری حالت یہ ہے کہ ہم ماضی میں جیتے ہیں اور حال سے نظریں چراتے ہیں۔
مستقبل کی پیش بندی کا ہمیں بتا دیا گیا۔لیکن ہمیں مستقبل کا یقین نہیں۔
جلسے جلوس مجلسیں ،ماتم کرکے ہم مستقبل کا خوف دور کررہے ہیں،
اور حال کو قسمت کا کیا دھرا کہہ کر ہڈ حرامی کر رہے ہیں۔

اگر ہمارا اللہ پر یقین ہوتو ہم اپنے حال کو بدلنے کا سوچیں، ہم اپنے اخلاق ، اپنے معاملات اچھے کریں ،
تاکہ ہمارا معاشرہ انسانوں کے رہنے کیلئے مثالی ہو۔

حدیث قدسی ہے۔
اللہ تعالی فرماتا ہے۔کہ میں اپنے بندے کے گمان میں رہتا ہوں۔ وہ میرے بارے میں جیسا سوچتا ہے ویسا ہی اس کے ساتھ ہوتا ہے۔

اللہ تو ہمارے نماز روزے سے بے نیاز ہے۔
اس نے نبی ، پیغمبر ، اہل علم ہماری فلاح کیلئے اس دنیا میں بھیجے ۔
تاکہ ہمارے اخلاق ، ہمارے معاملات ، ہماری معاشرت اچھی ہو جائے۔
اور ہم فلاح پانے والے ہو جائیں۔

اللہ ہمارے جلسوں ، ہمارے جلوسوں ، ہماری مجلسوں ، ہمارے ماتموں ، ہمارے بھنگڑوں ،ہمارے نعروں سے بے نیاز ہے۔
اسے کوئی غرض نہیں کہ ہم اپنے دل کو کیا کرکے تسکین دیتے ہیں۔

اس نے ہمارے اخلاق ، ہمارے معاملات ، ہماری معاشرت کا ہم سے پو چھنا ہے۔ اس نے پو چھنا ہے ،
یہ افرتفری ، یہ نفسانفسی ، یہ فساد العرض کا معاشرہ جاہل انسانوں تم نے کیوں تخلیق کیا؟

قدرت کی سزا معاشرے کیلئے یہی ہوتی ہے کہ وہ کھڑکیاں، دروازے ،دریچے بند کر دیتا ہے۔
یہ کھڑکیاں، دروازے ،دریچے ہمارے تعمیر کئے ہوئے محلات کے نہیں ہوتے۔۔۔۔۔
یہ علم وعقل کے ہوتے ہیں۔

انگلستان کا بیڑہ پار کرنے کی بنیادی ذمہ داری اوپنرز ایلسٹر کک اور اینڈریو اسٹراس پر عائد ہوگی، دیکھنا یہ ہے کہ وہ کس حد تک اس سے عہدہ برآ ہوتے ہیں (فائل فوٹو)

پہلی اننگز میں محض 99 رنز پر ڈھیر ہو جانے کے بعد پاکستان کو مضبوط تر پوزیشن پر لانے کا سہرا اظہر علی کی 157 رنز کی یادگار اننگز اور ’مرد آہن‘ یونس خان کے 127 رنز کے سر ہے، جس کی بدولت پاکستان نے دوسری اننگز میں 365 رنز بنائے اور انگلستان کو ایک ایسا ہدف دیا ہے جو پاکستان کے خلاف انگلستان نے آج تک حاصل نہیں کیا۔ جی ہاں! تاریخ ثابت کرتی ہے کہ انگلستان پاکستان کے خلاف کبھی 300 رنز سے زائد کا ہدف حاصل نہیں کر پایا۔ اس لیے انگلش بلے بازوں کو ریکارڈ ساز کارکردگی دکھانا ہوگی، تب کہیں جا کر وہ کسی حد تک اپنی عزت بحال کر پائے گا کیونکہ سیریز میں تو وہ پہلے ہی 2-0 سے شکست کھا چکا ہے اور اگر پاکستان آخری ٹیسٹ بھی جیتنے میں کامیاب ہو گیا تو اسے کلین سویپ کی ذلت سہنا پڑے گی۔ اگر انگلستان شکست سے بچنے میں کامیاب نہ ہوا تو 2006-07ء کی ایشیز سیریز کے بعد یہ پہلا موقع ہوگا کہ انگلستان کسی بھی سیریز کے تمام مقابلے ہار جائے۔

پاکستان کے خلاف انگلستان کا حاصل کردہ سب سے بڑا ہدف 219 رنز ہے جو اس نے اگست 1982ء میں لیڈز ٹیسٹ میں بنایا تھا اور اس تک پہنچنے میں بھی انگلستان نے 7 وکٹیں گنوائی تھیں۔ درحقیقت پاکستان یہ مقابلہ دوسری اننگز میں بلے بازوں کی ناقص کارکردگی اور پھر گریم فاؤلر کی 86 رنز کی شاندار اننگز کی وجہ سے ہارا۔

اس ٹیسٹ کے علاوہ صرف ایک موقع ایسا آیا ہے جب انگلستان پاکستان کے خلاف ہدف کا تعاقب کرتے ہوئے 200 کے ہندسے کو عبور کر پایا ہو۔ اکتوبر 1961ء میں لاہور ٹیسٹ میں انگلستان نے 209 رنز بنا کر مقابلہ اپنے نام کیا تھا۔ اس میچ کی کہانی بھی تقریباً مذکورہ بالا ٹیسٹ جیسی ہی ہے جہاں پاکستانی بلے باز دوسری اننگز میں اچھی کارکردگی نہ دکھاپائے اور انگلستان نے ٹیڈ ڈیکسٹر کی 66 رنز کی ناقابل شکست اننگز کی بدولت فتح پا لی۔ اس مقابلے کی خاص بات انگلش بلے بازوں کی تیز رفتاری تھی جنہوں نے وکٹیں گرنے کے باوجود ہدف کے تعاقب میں ہمت نہ ہاری اور بالآخر 59 ویں اوور میں ہدف کو جا لیا۔

ان دو مواقع کے علاوہ انگلستان پاکستان کے خلاف 300 تو کجا 200 رنز کا ہدف بھی حاصل نہیں کر پایا۔ اگر اس تاریخی حقیقت اور انگلستان کے بلے بازوں کی سیریز میں حالیہ کارکردگی کو ذہن میں رکھا جائے تو میچ میں اس کی واپسی کے امکانات کم نظر آتے ہیں لیکن پھر بھی کرکٹ ایسا کھیل ہے جس میں آخری گیند تک کچھ نہیں کہا جا سکتا اور انگلستان کی لائن اپ، جو اس سیریز سے قبل بلاشبہ خود کو دنیا کی بہترین بیٹنگ لائن اپ تسلیم کروا چکی ہے، سے کچھ بعید نہیں کہ وہ دبئی میں پاکستان کی ناقابل شکست رہنے کی روایت کا خاتمہ کر دے۔

پاکستان کے علاوہ دیگر ٹیموں کے خلاف بھی انگلستان نے 300 رنز سے زائد کا ہدف شاذ و نادر ہی حاصل کیا ہے۔ سب سے بڑا ہدف جو انگلستان نے چوتھی اننگز میں حاصل کیا ہے وہ 332 رنز کا ہے جو دسمبر 1928ء میں آسٹریلیا کے خلاف ملبورن ٹیسٹ میں بنایا گیا تھا۔

300 رنز سے زائد کا ہدف حاصل کرنے کا دوسرا موقع فروری 1997ء میں نیوزی لینڈ کے خلاف کرائسٹ چرچ ٹیسٹ میں پیش آیا۔ یہ مقابلہ اس لحاظ سے یادگار تھا کہ اس میں مائیکل ایتھرٹن کی سنچری اننگز کے ساتھ ساتھ لوئر آرڈر نے بھی بہت عمدہ کارکردگی دکھائی۔ جان کرالی اور ڈومینک کارک نے 6 وکٹیں گر جانے کے باوجود ہدف کی جانب پیشقدمی بھرپور انداز میں جاری رکھیں اور ساتویں وکٹ پر 76 رنز کا اضافہ کیا اور 305 رنز کا ہدف حاصل کر کے انگلستان کو سیریز بھی جتوا دی۔

173 رنز کی ناقابل شکست اور فتح گر اننگز: مارک بچر ضرور رکی پونٹنگ کے ناپسندیدہ ترین کھلاڑی ہوں گے (تصویر: Paul McGregor)

آخری مرتبہ انگلش سائیڈ نے ایشیز 2001ء کے چوتھے و آخری ٹیسٹ میں آسٹریلیا کے خلاف لیڈز ٹیسٹ میں 315 رنز کا ہدف حاصل کیا تھا۔ یہ مقابلہ آسٹریلیا کے لیے ایک بھیانک خواب تھا کیونکہ سیریز کے اولین تینوں مقابلے جیتنے کے بعد ان کا اعتماد آسمان پر تھااور یہی حد سے زیادہ خود اعتمادی انہیں لے ڈوبی۔ پہلی اننگز میں انگلستان پر 138 رنز کی برتری حاصل کرنے کے بعد آسٹریلیا نے دوسری اننگز میں 4 وکٹوں کے نقصان پر 176 رنز بنانا ہی کافی سمجھا اور انگلستان کو 315 رنز کا ہدف دے کر ڈھیلے پڑ گئے کہ وہ اتنے رنز بنا ہی نہیں پائے گا۔ لیکن مارک بچر نے کیریئر کی سب سے بہترین اور بلاشبہ یادگار ترین اننگز کھیلی اور 173 رنز پر ناقابل شکست رہے اور محض چار وکٹوں کے نقصان پر انگلستان نے اسکور پورا کر کے پونٹنگ کو سبق سکھا دیا کہ حد سے زیادہ خود اعتمادی کتنی بڑی ندامت کا باعث بن سکتی ہے۔

بہرحال، اگر پاکستان کے خلاف 300 سے زائد کے ہدف حاصل کرنے کے اعداد و شمار جائزہ لیا جائے تو معلوم ہوتا ہے کہ آج تک صرف تین ٹیمیں ہی یہ اعزاز حاصل کرنے کامیاب ہو پائی ہیں۔ پہلی بار مارچ 1958ء میں دورۂ ویسٹ انڈیز میں میزبان ٹیم نے جارج ٹاؤن ٹیسٹ میں 317 رنز کا ہدف حاصل کیا تھا۔ یہ پاکستان کا پہلا دورۂ ویسٹ انڈیز تھا جس میں پہلے ٹیسٹ میں حنیف محمد کی یادگار ٹرپل سنچری کے قومی کرکٹ ٹیم کوئی کارنامہ انجام نہیں دے پائی تھی اور باقی تمام مقابلوں میں شکست سے دوچار ہوئی۔

اس کے علاوہ نیوزی لینڈ نے 1994ء کے کرائسٹ چرچ ٹیسٹ میں 324 رنز کا ہدف محض 5 وکٹوں پر حاصل کیا تھا۔ سیریز کا یہ تیسرا ٹیسٹ تھا اور پاکستان پہلے ہی اولین دونوں مقابلے جیت چکا تھا لیکن یہاں سلیم ملک سے وہی حرکت سرزد ہوئی جو ایشیز 2001ء میں رکی پونٹنگ سے ہوئی۔ یعنی کہ پہلی اننگز میں 144 رنز کی برتری لینے کے بعد دوسری اننگز میں 179 رنز بنائے اور نیوزی لینڈ کو 324 رنز کا ہدف دیا جو اس نے برائن ینگ اور شین تھامسن کی 120، 120 رنز کی شاندار اننگز کی بدولت محض 5 وکٹوں پر حاصل کر لیا۔ یہ نوجوان تھامسن کے کیریئر کی اعلی و یادگار ترین اننگز تھی۔

پاکستان ہر گز یہ منظر نہيں دیکھنا چاہے گا۔ ایڈم گلکرسٹ اور جسٹن لینگر تاریخ ساز کارکردگی کے بعد پاکستان کے خلاف فتح پر مسرور (تصویر: Getty Images)

آخری مرتبہ نومبر 1999ء میں آسٹریلیا نے ہوبارٹ ٹیسٹ میں 369 رنز کا ہدف حاصل کر کے پاکستان کو تاریخی شکست دی تھی۔ یہ مقابلہ آسٹریلیا نے وکٹ کیپر ایڈم گلکرسٹ کی بہترین بلے بازی کی بدولت جیتا جنہوں نے ایسے موقع پر، جب 369 رنز کے تعاقب میں 126 پر آسٹریلیا کی 5 وکٹیں گر چکی تھیں، جسٹن لینگر کے ساتھ مل کر فتح گر شراکت داری قائم کی۔ دونوں کھلاڑیوں نے چھٹی وکٹ پر 238 رنز جوڑے۔ وہ بھی ایسے باؤلنگ اٹیک کے خلاف جس میں وسیم اکرم، وقار یونس اور شعیب اختر کے علاوہ ثقلین مشتاق بھی شامل تھے۔ پاکستان کے لیے یہ میچ ایک ناخوشگوار ترین یادگار ہے۔ گلکرسٹ نے محض 163 گیندوں 13 چوکوں اور ایک چھکے کی مدد سے 149 رنز بنائے اور ناٹ آؤٹ رہے جبکہ جسٹن لینگر 127 رنز بنا کر اس وقت آؤٹ ہوئے جب آسٹریلیا فتح سے محض پانچ رنز کے فاصلے پر تھا۔

ان تمام تاریخی حوالوں کے بعد سب سے اہم بات، اگر پاکستان یہ میچ جیتنے میں کامیاب ہو گیا تو یہ ایک اور لحاظ سے بہت تاریخی موقع ہوگا کیونکہ گزشتہ 105 سالوں میں ایک مرتبہ بھی ایسا نہیں ہوا کہ کوئی ٹیم پہلی اننگز میں 100 رنز بنانے میں بھی کامیاب نہ ہوئی ہو لیکن میچ جیت گئی ہو۔ آخری مرتبہ 1907ء میں انگلستان نے جنوبی افریقہ کو ہرا کر یہ کارنامہ انجام دیا تھا۔

اب دیکھنا یہ ہے کہ دبئی میں چوتھے روز میچ کس کروٹ بیٹھتا ہے۔ فی الحال پچ کی حالت اور انگلش بلے بازوں کی فارم کو دیکھتے ہوئے کہا جا سکتا ہے کہ میچ میں پاکستان کا پلڑا بھاری ہے۔

مشابہ تحاریر:

• گرین واش: پاکستان 3، انگلستان 0
• [ریکارڈز] انگلستان کے خلاف پاکستانی بلے بازوں کی ڈبل سنچری شراکت داریاں
• [اعداد و شمار] پہلی اننگز میں 100 سے کم رنز، پاکستان کے لیے شکست کا پروانہ
• ملتان سے ابوظہبی تک!
• [ریکارڈز] انگلستان کی تاریخ کے کم ترین مجموعے

اس سانچہ میں اردو ایڈیٹر اور مراسلات کے خودکار خلاصہ کا نظام موجود ہے ۔

یہ سانچہ آپ یہاں سے ڈاؤنلوڈ کر سکتے ہیں۔

Download:

G.X.2 Urdu Template for Blogspot / Blogger Urdu…



مکمل تحریر پڑھنے اور تبصرہ کرنے کے لیے برائے مہربانی محمد یاسر علی کی بیاض کا وزٹ کریں ۔ شکریہ

اس سانچہ میں اردو ایڈیٹر اور مراسلات کے خودکار خلاصہ کا نظام موجود ہے ۔

یہ سانچہ آپ یہاں سے ڈاؤنلوڈ کر سکتے ہیں۔

Download:

G.X.2 Urdu Template for Blogspot / Blogger Urdu…



مکمل تحریر پڑھنے اور تبصرہ کرنے کے لیے برائے مہربانی محمد یاسر علی کی بیاض کا وزٹ کریں ۔ شکریہ

ٹاس جیت کر بھارت کا باؤلنگ کرنے کا فیصلہ اس وقت تک تو بہترین ثابت ہو رہا تھا جب تک بارش نہیں آئی۔ کیونکہ اس سے قبل ونے کمار نے محض 19 کے مجموعے پر ڈیوڈ وارنر اور رکی پونٹنگ کو آؤٹ کر کے آسٹریلیا کو زبردست دھچکے پہنچائے تھے لیکن 35 کے مجموعے پر بارش نے ملبورن کے تاریخی میدان کو آ لیااور 18 اوورز کا کھیل ضایع ہو گیااور دونوں ٹیموں کی اننگز کو 32، 32 اوورز تک محدود کر دیا گیا۔

اپنا پہلا ایک روزہ کھیلنے والے میتھیو ویڈ میچ کے بہترین کھلاڑی قرار پائے (تصویر: Getty Images)

بارش کے خاتمے کے بعد جب مقابلہ دوبارہ شروع ہوا تو آسٹریلیا کو سنبھلنے کا موقع مل چکا تھا گو کہ وہ جلد ہی اپنے کپتان مائیکل کلارک سے محروم ہو گیا لیکن اپنے کیریئر کا پہلا ایک روزہ بین الاقوامی مقابلہ کھیلنے والے میتھیو ویڈ نے تجربہ کار مائیکل ہسی کے ساتھ مل کر اننگز کو درست طریق پر ڈالنے کا کام کیا اور دونوں نے انتہائی برق رفتاری سے رنز بنائے۔ دونوں کی شراکت میں آسٹریلیا نے محض 8 اوورز میں 73 رنز بنائے۔ ویڈ 69 گیندوں پر 2 چھکوں اور 4 چوکوں کی مدد سے 67 رنز بنا کر پویلین لوٹے اور ذمہ داری ہسی برادران پر ڈال گئے، جنہیں دونوں نے خوب نبھایا۔ مائیکل ہسی 32 گیندوں پر 45 رنز بنانے کے بعد ونے کمار کا تیسرا و آخری نشانہ بنے۔ جبکہ ڈیوڈ ہسی نے یادگار ترین اننگز کھیلتے ہوئے میچ کو بھارت کی پہنچ سے کہیں دور کر دیا۔ انہوں نے صرف 30 گیندوں پر 3 چھکوں اور 4 چوکوں کی مدد سے 61 رنز بنائے اور یہی وجہ ہے کہ آسٹریلیا آخری 6 اوورز میں 62 رنز بنانے میں کامیاب ہوا۔

خصوصاً گزشتہ روز انڈین پریمیئر لیگ میں 2 ملین ڈالرز کی خطیر رقم میں ’بکنے‘ والے رویندر جدیجا کے ڈھائی اوورز میں 41 رنز سمیٹ کر آسٹریلیا نے انہیں اپنی حیثیت یاد دلا دی۔ اننگز کا 31 واں یعنی آخری اوور راہول شرما نے کیا، دو گیندیں پھینک چکے تو امپائرز کو احساس ہوا کہ قانون کے تحت صرف دو باؤلرز کو سات اوورز پھینکنے کی اجازت تھی جبکہ پروین اور ونے کمار 7، 7 اوورز پھینک چکے ہیں اس لیے راہول یہ اوور نہیں کر سکتے اس لیے انہیں دو گیندوں پر باؤلنگ سے ہٹا دیا گیا اور آخری چار گیندیں پھینکنے کے لیے دھونی نے رویندر جدیجا کو لانے کا فیصلہ کیا جن کا ڈیوڈ ہسی نے دو چھکوں کے ذریعے ’سواگت‘ کیا اور یوں اپنے چند اوورز میں ان کی خوب ’درگت‘ بنی۔

بھارت کی جانب نے ونے کمار نے 3 اور روہیت شرما اور راہول شرما نے ایک، ایک وکٹ حاصل کی۔

جواب میں مچل اسٹارک کے ابتدائی حملوں اور بعد ازاں کلنٹ میک کے کی گیند بازی بھارت کے بلے بازوں کو لاجواب کر گئی۔ اسٹارک نے اپنے پہلے ہی اوور میں سچن ٹنڈولکر اور دوسرے اوور میں گوتم گمبھیر کو پویلین کا راستہ دکھا کر بھارت کو محض 13 رنز پر ہی اوپنرز سے محروم کر دیا۔

میچ کا فیصلہ کن اوور 12 واں تھا جس میں میک کے نے اپنے پہلے ہی اوور میں ویراٹ کوہلی اور روہیت شرما کے درمیان نہ صرف 51 رنز کی شراکت کا خاتمہ کیا بلکہ ایک گیند کے وقفے سے دونوں بلے بازوں کو پویلین کی راہ دکھا کر بھارت کو سخت مشکل میں ڈال دیا۔ کوہلی سب سے زيادہ 31 رنز بنا کر آؤٹ ہوئے جبکہ روہیت شرما نے 21 رنز بنائے۔ آنے والے بلے بازوں میں کپتان مہندر سنگھ دھونی کے علاوہ کوئی کھلاڑی قابل ذکر کارکردگی نہ دکھا سکا۔ بھارت کے زوال میں باؤلنگ کے ساتھ ساتھ آسٹریلیا کی برتر فیلڈنگ نے بھی اہم کردار ادا کیا۔ رکی پونٹنگ کے دو خوبصورت کیچز اور پہلا ایک روزہ کھیلنے والے ڈینیل کرسچن کی زبردست فیلڈنگ کے بعد روی چندر آشون کا رن آؤٹ اس مقابلے کی اہم ترین جھلکیاں تھیں۔ پونٹنگ نے پہلے سچن اور بعد ازاں کوہلی کے زبردست کیچ لے کر بھارت کی جوابی اننگز کو پٹڑی سے اتارا۔ کپتان دھونی 29 رنز بنا کر بھارت کی گرنے والی نویں وکٹ بنے اور بعد ازاں اننگز 30 ویں اوور میں 151 رنز پر تمام ہوئی کیونکہ تمام کھلاڑی آؤٹ ہو چکے تھے۔

آسٹریلیا کی جانب سے کلنٹ میک کے کی چار وکٹوں کے علاوہ دو، دو وکٹیں مچل اسٹارک اور زاویئر ڈوہرٹی نے حاصل کیں جبکہ ایک وکٹ ڈینیل کرسچن کو ملی۔

میتھیو ویڈ کو کیریئر کے پہلے ہی ایک روزہ بین الاقوامی مقابلے میں 67 رنز بنانے پر میچ کا بہترین کھلاڑی قرار دیا گیا۔

سہ فریقی ٹورنامنٹ کا دوسرا میچ 8 فروری کو واکا، پرتھ میں سری لنکا اور بھارت کے درمیان کھیلا جائے گا۔ ٹورنامنٹ میں شریک ٹیمیں ایک دوسرے کے خلاف چار، چار میچز کھیلیں گی جو 8 مارچ تک جاری رہیں گے۔

آسٹریلیا بمقابلہ بھارت

کامن ویلتھ بینک سیریز، پہلا ایک روزہ بین الاقوامی مقابلہ

5 فروری 2012ء

بمقام: ملبورن کرکٹ گراؤنڈ، ملبورن، آسٹریلیا

نتیجہ: آسٹریلیا 65 رنز سے فتح یاب

میچ کے بہترین کھلاڑی: میتھیو ویڈ (آسٹریلیا)

		رنز	گیندیں	چوکے	چھکے
میتھیو ویڈ	ب راہول شرما	67	69	4	2
ڈیوڈ وارنر	ب ونے کمار	6	14	0	0
رکی پونٹنگ	ک رینا ب ونے کمار	2	12	0	0
مائیکل کلارک	ک راہول شرما ب روہیت شرما	10	21	0	0
مائیکل ہسی	ک کوہلی ب ونے کمار	45	32	4	0
ڈیوڈ ہسی	ناٹ آؤٹ	61	30	4	3
ڈینیل کرسچن	ناٹ آؤٹ	17	16	0	0
فاضل رنز	ل ب 2، و 4، ن ب 2	8
مجموعہ	32 اوورز میں 5 وکٹوں کے نقصان پر	216

ہدف: 217 رنز (32 اوورز میں)		رنز	گیندیں	چوکے	چھکے
گوتم گمبھیر	ک ویڈ ب اسٹارک	5	8	0	0
سچن ٹنڈولکر	ک پونٹنگ ب اسٹارک	2	6	0	0
ویراٹ کوہلی	ک پونٹنگ ب میک کے	31	34	3	0
روہیت شرما	ک ویڈ ب میک کے	21	21	2	0
سریش رینا	ک ڈیوڈ ہسی ب کرسچن	4	9	0	0
مہندر سنگھ دھونی	ک وارنر ب ڈوہرٹی	29	38	1	0
رویندر جدیجا	ک مائیکل ہسی ب میک کے	19	25	0	0
روی چندر آشون	رن آؤٹ	5	3	0	0
راہول شرما	ب ڈوہرٹی	1	2	0	0
پروین کمار	ک ہیرس ب میک کے	15	17	2	0
ونے کمار	ناٹ آؤٹ	12	15	1	0
فاضل رنز	ل ب 2، و 5	7
مجموعہ	29.4 اوورز میں تمام وکٹوں کے نقصان پر	151

مشابہ تحاریر:

• دورۂ آسٹریلیا: بھارتی شکستوں کا سلسلہ دراز، پہلا ٹی ٹوئنٹی بھی ہار گئے

ٹھیک ایک سال قبل 5 فروری کو قطر کے دارالحکومت دوحہ میں ہونے والی بین الاقوامی کرکٹ کونسل نے سلمان بٹ، محمد آصف اور محمد عامر پر کم از کم پانچ سال کی پابندی عائد کرنے کا اعلان کیا تھا۔ سلمان بٹ اور محمد آصف پر بالترتیب 5 اور 2 سال کی اضافی پابندی بھی عائد کی گئی جو آئی سی سی کے ضابطہ اخلاق کی خلاف ورزی اور پاکستان کرکٹ بورڈ کے انسداد بد عنوانی کے پروگرام میں حصہ نہ لینے کی صورت میں ان پر لاگو ہوگی۔ لیکن کیونکہ فکسنگ کے معاملے میں بین الاقوامی کرکٹ کونسل کی کم از کم پابندی پانچ سال ہے اس لیے سب سے زیادہ نقصان نوجوان محمد عامر کو اٹھانا پڑا جو پانچ سال تک کسی بھی سطح پر کرکٹ نہیں کھیل پائیں گے۔

آئی سی سی کے مقرر کردہ خصوصی ٹریبونل کے مطابق تیز گیند بازوں محمد آصف اور محمد عامر دونوں پر 26 سے 29 اگست 2010ء تک لارڈز میں کھیلے گئے ٹیسٹ کے دوران جان بوجھ کو نو بالز کرانے کا الزام ثابت ہوا اور اس حرکت میں اس وقت کے کپتان سلمان بٹ کے ان کھلاڑیوں کے ساتھ ہونے کے بھرپور شواہد بھی ملے، اس لیے سلمان بٹ پر سب سے زیادہ 10 سال کی نااہلی کی پابندی عائد کی گئی جبکہ دیگر کھلاڑی اس کے مقابلے میں کم سزا کے حقدار قرار پائے۔ محمد عامر کو اپنی کم عمری، وہ اس وقت صرف 18 سال کے تھے، کے باعث کم از کم سزا دی گئی جو پانچ سال کی پابندی ہے۔

مذکورہ لارڈز ٹیسٹ کے دوران جان بوجھ کر نو بالز کرانے کا معاملہ افشاء ہوتے ہی آئی سی سی نے تینوں کھلاڑیوں کو فوری طور پر معطل کر دیا تھا اور ان پر کسی بھی سطح کی باضابطہ کرکٹ کھیلنے پر پابندی عائد تھی۔ یہ معاملہ برطانیہ کا ایک ’چٹخارہ‘ اخبار ”نیوز آف دی ورلڈ“ سامنے لایا تھا جس کے ایک صحافی مظہر محمود نے پاکستانی باؤلرز پر ایک سٹے باز مظہر مجید سے پیسے لے کر جان بوجھ کر نو بالز کرانے کا انکشاف کر کے تہلکہ مچا دیا تھا۔

بین الاقوامی کرکٹ کونسل کی جانب سے ان پابندیوں کے بعد بعد ازاں، برطانیہ کی ایک عدالت نے تینوں کھلاڑیوں اور سٹے باز مظہر مجید پر فوجداری مقدمہ بھی چلایا جس کے تحت گزشتہ سال نومبر کے اوائل میں تینوں انہیں قید کی سزائیں دینے کا اعلان کیا گیا جن میں سلمان بٹ کو ڈھائی سال، محمد آصف کو ایک اور محمد عامر کو چھ ماہ قید کی سزا سنائی گئی۔ محمد عامر سزا کی تکمیل کے بعد اب رہائی پا چکے ہیں اور اس وقت کھیلوں کی بین الاقوامی ثالثی عدالت، سوئٹزرلینڈ میں فیصلے کے خلاف اپیل کے لیے اپنے وکلا سے مشورے کر رہے ہیں۔ باقی دونوں کھلاڑی اس وقت بدستور قید خانے میں ہیں۔

یہ بلاشبہ پاکستان کرکٹ کے بھیانک ترین دنوں میں سے ایک تھا، فکسنگ کی باتیں ویسے تو گردش کرتی رہتی ہیں اور ماضی میں بھی کئی ممالک کے کھلاڑی ان حرکات میں ملوث پائے گئے لیکن اتنا سخت ایکشن کبھی نہیں لیا گیا تھا۔ بھارت میں اظہر الدین، اجے جدیجا، منوج پربھاکر، جنوبی افریقہ میں مائیکل ہسی، آسٹریلیا میں مارک ٹیلر اور شین وارن اور پاکستان میں وسیم اکرم، سلیم ملک اور دیگر کھلاڑیوں کو مختلف نوعیت کی پابندیوں اور جرمانے کیے گئے۔ پابندیوں کا نشانہ بننے والے بیشتر کھلاڑی ایسے تھے جن کا کیریئر ویسے ہی تمام ہو چکا تھا لیکن یہ پہلی مرتبہ ہوا کہ نہ صرف نوجوان کھلاڑیوں پر طویل پابندیاں عائد کی گئیں بلکہ انہیں قید جیسی بھیانک سزائیں بھی دی گئیں۔

مشابہ تحاریر:

• میچ فکسنگ کی تاریخ – خصوصی تحریر
• سلمان بٹ کو ڈھائی سال، آصف کو ایک سال اور عامر کو 6 ماہ قید کی سزا
• اسپاٹ فکسنگ مقدمے کا سب سے ہنگامہ خیز دن، مظہر مجید کے انکشافات، عامر نئی مصیبت میں گرفتار
• پاکستانی قوم اور شائقین کرکٹ کا سر شرم سے جھک گیا
• پاکستان کرکٹ کے لیے سیاہ دن ہے: سابق کرکٹرز، عہدیداران